Nunnak cu tinhning in a kal lengmang tawn lo. Na thil hman man pawl pek naa harh ahcun, na caah a ttha mi a phi kawl kan in bawmh khawh lai.

A fawizaangmi man peknak in man pek caan chap in le man tthumh deuhnak thawk in, na thil hman man pawl pekning ah thim ding tampi bawmhnak lam tampi kan ngei.

Na ti le ti thur luannak hman man ttha tein na pek khawhthannak hnga, zeitin pekding le zeitin ti tlo deuh in hmanning ruahnak peknak kan tialmi pawl kha Mirangholh siloin adang holh in fianternak kan tial mi pawl kha rel.

Telephone in chawnh na kan duh deuh ahcun, kan zung ah holh phun li in ruahnak petu kan ngeih hna i a lak in holhlettu zong kan laak piak hna.

1300 304 688 ah kan chawn asiloah ka chawn than tinak form kha phi.

Ka chawn than tinak form

WaterCare nih na sining he aa tlakmi pekning a phunphun le bawmhnak kan pek. Na thil hman man pekding bawmhnak caah lam tampi kan ngei.

Tamdeuh hngalh na duh ahcun 1300 304 688 ah kan chawn law zeitin kan in bawmh khawh lai timi kan hal.

Rikhiah in peknak thawk

Voikhat pek ah tlawmdeuh in voi tamdeuh pek kha na caah a fawideuh tiah na ruat maw? SmoothPay timi cu na thil hman man kha tlawmdeuh in voi tamdeuh pek khawhnak caah sermi a si.

SmoothPay in Pek Khawhnak Sawkasiloah na caah aa tlakmi peknak lam kawlnak caah kan zung kha 1300 304 688 ah chawn.

Peknak caan tamdeuh sawknak

Na thil hman man peknak caah a caan tamdeuh na herh ahcun, ni 30 tiang a caan pek chap ding na sawk khawh.

Chikhat caah caan tamdeuh na herh ahcun mah lam hi na tuahding ah kan in forhfial.

Hodah a ngah kho?

Yarra Valley Water nih a tang langhtermi thil man tthumhnak card a ngeimi pawl cu a man a thumh hna.

Mah card pakhatkhat na ngeih ahcun a man tthumhnak caah kan sin ah cazin na pek a hau.

Chungkhar pakhat nih man tthumhnak card tampi nan ngeihmi cazin pek khawh a si sihmanhsehlaw a man tthumhnak cu pakhat ca lawngah a si.

A man tthumh mi cu zeizatdah a si?

2023-24 caah ti le ti thur luannak hman man 50% in tthumh i kum khat caah a tambik $354.10.

Thil hman man pakhat ca lawngah a man liam ter na si, tahchunhnak ah ti hman man lawng, ahcun ti hman man 50% a man thumh na si lai i a tambik $177.05 a si lai.

Na card aa thawk ni zoh in hlanlio na thil hman man zong a man kan tthumh lai, na card cu thla 12 nakin a upat deuh ahcun thla 12 ca tiang, i hmailei na thil hman man caah kan chiah lai.

Zeitindah cazin ka pek lai?

Na man tthumhnak card cu online hmang in yvw.com.au/concessions ah cazin na pek khawh asiloah 1300 441 248 ah na kan chawnh khawh.

Man tthumhnak card na ngei lo sihmanhsehlaw a man tthumh ding ka si kho tiah na ruah ahcun zaangfahnak in Centrelink kha 13 10 21 ah chawn asiloah Department of Veteran's Affairs (Ralkap Pensen Zung) kha 03 9284 6000 ah chawn.

Cazin ka pek dih in zeidah a cang lai?

Na man tthumhnak card cazin na pek dih hnu cun na card a caan a dih hlan tiang na thil hman man pawl caah a man kan tthumh lai.

Tangka hmuhmi a tlawmmi chungkhar na si asiloah tangka bawmhnak a herhmi na si ahcun Pengkulh Cozah nih a tuahmi Ti\mei Hman Man Bawmhnak in bawmhnak pek khawh zong na si i na Yarra Valley Ti Hman man $650*  tiang bawmh khawh na si.

Zeitindah sok a si

1800 994 789 ah kan chawn law na pumpak sining kan in kilven piak lai i sawknak form kan hal asiloah yvw.com.au/urgs ah kan leng.

*Rikhiahnak pawl an um

Chungkhar buai le hnahnawhnak cu aho sin paoh ah le zeitik caan paoh ah a chuak kho ti kan hngalh.

Chungkhar buai le hnahnawhnak a tongmi hna bawmhnak caah ttha tein cawnpiak mi rianttuantu phu WaterCare Support Team timi kan ngei. Na sining kha voikhat lawng na kan chimh lai i tehte zong pek na hau lo.

Na sining theihthiam in le upatnak he kan in pehtlaih lai i mah thil har na ton lio caan ah zeitin kan in bawmh khawh timi zong kan in chimh lai, cun na tuah khawhmi lam pawl naa ruah khawh nakding caah na herh zat caan kan in pek lai.

Pehtlaihnak kan tuah

Na umti mi asiloah chungkhar chungtel pakhatkhat nih ti le ti thur luannak hman man pek ta loin an in kaltaak, asiloah na account kong midang hngalhter na duh lo mi a um ahcun zaangfahnak in ttha tein cawnpiakmi kan rianttuantu WaterCare Support Team pawl kha Nikhatni in Ningani, zinglei 8:00 le zanlei 5:00 kar ah 1800 637 316 ah chawn hna.

Chungkhar buai le hnahnawhnak na ton lioah bawmhnak hal cu a har mi a si ti kan hngalh. Kanmah nih chawnh na duh ahcun ka chawn tthan tinak form kha zaangfahnak in phi law tha tein cawnpiak mi kan rianttuantu le ruahnak petu nih upat bu in an chawnh lai.

Direct Debit (Na bank in tangka zuh) - Mah Direct Debit na hman ahcun, na thil hman man pawl kha pek a zat ni ah na bank ah amah tein an zuh lai.

Asiloah, na bank account, credit union account, VISA asiloah Mastercard in khan amah tein thil hman man peknak na tuah khawh.

Electronic Funds Transfer (EFT) - EFT nih na ti hman man kha direct in na bank account ah a zuh khawh.

BPAY - Na thil hman man liamnak catlap cung ah BPAY tinak hmelchunh kha kawl law biller code le reference number kha zoh. Mah dih khan na bank na chawnh a hau lai asiloah na internet banking ah lut law BPAY tinak zawn kha thim asiloah a man liamnak lam naa thim khawhmi pawl kha zoh law an in fialning khan zul.

Credit card - Credit card hmang in online in na pek khawh asiloah telephone zong in. Zarh khat ah ni 7, nikhat ah suimilam 24 chung VISA asiloah Mastercard in peknak caah 1300 362 332 ah chawn. Zaangfahnak in na hngalh ding cu AMEX le Diners Club pawl cu kan cohlang lo.

AusPost Billpay - Australia Post dawr pakhatkhat ah pumpak in kal i tangka, cheque asiloah credit card hmang zong in na pek khawh.
Na thil hman man liamnak catlap a copy belte ken philh hlah zeicahtiah a man na liamnak caah a barcode kha an herh.

Centrepay - Centrelink in tangka a hmumi pawl nih Centrelink in an hmuhmi tangka pekning hmang in pung-hmaan zuhpiak ding zong an tuah khawh.
A man pek le na tangka hmuh le hmannak tuaktannak caah SmoothPay peknak lam zong he na fonh khawh.

Centrepay in peknak thawknak caah, Centrelink na pehtlaih hna a hau lai i Yarra Valley Water hmangtu reference number: 555 054 118T kha na pek hna a hau lai.

• Na ti man pek dingtawlrelnak ah bawmh na herh maw?
  Chin Hakha - Managing Payments
• A biapi bikmi thil a can tikah, nangmah caah hika ah kan um
  Chin Hakha - About WaterCare
• Innchungkhar i hnahnawhnak le puarhrannak a tongmi minung caah bawmhnak
  Chin Hakha - Family Violence Support
• Na ti man kha Utility Relief Grant (Ti\mei Hman Man Bawmhnak) in tum ter
  Chin Hakha - Utility Relief Grant
• Na inn ah ti a zuh le zuh lo cheknak
  Chin Hakha - How to test for a leak
• Na ti man tlawmterdeuhnak lam pawl
  Chin Hakha - How to reduce costs