Nuntaakna pen i lamet bangin piang den lo hi. Sum zeekna lamah haksatna a tuak thei zel na hih leh, na buaina a siang sak thei dingin kong panpih thei uh hi.

Sum loh zah ding a tawm a tam, loh hun ding zekai sak thei leh a man khiam sak theihna cih bang, na sum zeek theih dan ding a tuam tuam teel ding ka nei uh hi.

Tui zatna leh inn pana niintui luangkhiate man piakna tungtaang ah vaihawhmna taangzai zaw na neih theihna ding, sumkhol theih dan ding leh panpihna tuam tuam ngahna dingin hih ka vanzat te uh Maangpau (English) hilo pau dang te tawh na zang thei hi.

Phone tungtawn a hopih na ut leh, pau nam li toh hong ki hopih thei ding misiam ka nei uh a tua banah a khawnkhong in khampheenna kong buaipih sakthei uh hi.

1300 304 688 ah hong hoipih un la ahih kei leh hopih ding ngetna lai na gelh un.

Hopih ding ngetna lai

WaterCare in sum lohna lama huhna leh piak dan ding tuam tuam nang tawh a kituak ding nei hi. Na sum piakkhiat kisam te piakna lamah a ci tuam tuam in hong panpih thei ding ka nei uh hi. Theihbeh nop na neih leh 1300 304 688 ah hong hopih in la kong panpih theih dan te uh hong kancian in.

Sum piak dan ding geel in

Sum tawm zaw, a kiziing zaw a piak hoih na sa hiam? SmoothPay pen sum tawm zaw, a kiziing zaw a piak theihna ahi.

SmoothPay ding ngetna ahih kei leh 1300 304 688 ah nang tawh a kituak sum loh dan ding theihna dingin ka seppih te uh hopih in.

Sum loh hun zekai sak dingin ngen in

Sum loh dingin hun tawmkhat a kisam lai na hih leh, loh hun ding ni 30 tan zekai sak dingin na ngen thei hi.

Hun sawtlo sung huhna a kisam na hih leh hih pen hoih ka sa pen uh hi.

Kua tengin ngah theih hiam?

Yarra Valley Water in a nuaia card a nei te tungah khiapna pia thei hi.

Hih card te na neih leh, na min hong khum (register) in khiapna na ngah te hong theisak in.

Inn khat adingin khiapna tuam tuam na gelh lut thei a, ahi zongin a man niamsakna pen khatvei bek kizang thei hi.

Khiapna pen bang zah ciang ahi hiam?

Kum 2023-24 sungin tui leh niintui man piakna ding ah 50% ciang hi in a tam pen ah $354.10 tan hi ding hi.

Service khat bek, gentehna in tui zatna bek ahih leh, tui man zah pan 50% iang a tam pen ah $177.05 na ngah ding hi.

Na card pen kha 12 pha khin ahih leh, a paisa huna na bill te pen kha 12 sung tan ka gelh lut ding uh a, tua sum te na account ah kong khat ding uh hi.

Bang ci ka min khum thei ding ka hi hiam?

Yvw.com.au/concessions ahih kei leh 1300 441 248 ah hopih in min na khum thei ding hi.

Khiapna card na nei kei a, ahi zong ngah thei ding na ki lamen leh, Centrelink numbat 13 10 21 ahih kei leh Department of Veteran's Affairs te numbat 03 9284 6000 ah hopih in.

Ka min ka khum khit ciang bang piang ding?

Khiamna (Concession) ngah theihna dingin na min na khum khit phet in, na card a sih ma tan na bill pan khiamna (concession) zah ding ki lakhia pah ding hi.

Sumtawm-lut innkuante leh sum leh pai huhna kisam na hih leh, Gamke Kumpi in Khawnkhong Huhna Zat ding (Utility Relief Grant) ngah thei kha ding aa, tua pan in $650* ciang Yarra Zaangkuam Tui zat man (Yarra Valley Water bill) pan in khiamna na ngah thei kha ding hi.

Ngah theih dan ding

Kizopna dingin 1800 994 789 ah kuama theihloh ding a kihona leh ngetna lai ki ngen thei a, ahihkei leh yvw.com.au/urgs ah na hawh sin in.

*A kisam om kha thei

Innsung baangkua ah buaina haksatna bangcik hunin kituak kha theih hi cih ka phawk uh hi.

Hi banga innsung baangkua a buaina haksatna a tuak te panpihna dingin WaterCare Support Team te tentan na ki pia khin zo hi. Na haksatna tuahkhak pen khatvei bek gen in la, a dikna ciatsakna lah ding kisam lo hi.

Theihsiamna leh zahtaakna tawh hong ki-hopih ding a, haksatna ci tuam tuam te ah kong pahpih theih dan ding te uh hong hilh in, deihteelna na bawlna ding hun na kisap tan uh hong ki ngak thei ding hi.

Kizopna ding

Na teenpih ahih kei leh innkuanpih khatpeuh in tui zat man leh niintui paih man pia lo in hong nusia, ahihkei leh na account tungtang bawlphat nop a nei na hih leh, WaterCare Support Team 1800 637 316 ah nai 8:00 am leh nai 5:00 pm sung, Monday pan Friday ciang hopih theih den ding uh hi..

Innsung baangkua haksatna tuah hun ciang hong hopih dingin hamsa thei cih ka tel uh hi. Keimau lam panan hopihna na deih leh, hopih kik ding ngetna lai hong khak in la tentan a kipia khin leh a zahtaakhuai misiam in hong hopih ding hi.

Direct Debit - Direct Debit tungtawn in, na bill te a hun hunin kipia ding hi.

Tua bang mahnin, na bank account, credit union, ahihkei leh VISA ahihkei leh Mastercard tungtawn in amah leh amah a kipia (automatic payment) na bawl thei hi.

Electronic Funds Transfer (EFT) - EFT tungtawn in na tui bill te na bank account pana kipia dingin kibawl thei hi.

BPAY - Biller code leh reference number theihna dingin na bill ah BPAY ciaptehna lim na en in. Tua khit ciangin na bank hopih in la ahihkei leh internet banking ah lut in, BPAY ahihkei leh bill piakna te teel inla thu hong kihilh te zui in.

Credit card - Credit card tungtawn in online ahih kei leh phone tungtawn in na pia thei hi. VISA ahihkei leh Mastercard tawh nisim naikal 24 sung, kaal khat in ni 7 piak theihna dingin 1300 362 332 na hopih in. AMEX leh Diners Club te pan piak theihloh hi cih na ciamteh in.

AusPost Billpay - Nangmah teek va pai in Australia Post office khatpeuh ah sumtang in, cheque ahihkei leh credit card tawh na pia thei hi. Na bill copy na kep ding phawk in, tua in na sum piakna ciat sakna dingin barcode kisam ding uh hi.

Centrepay - Centrelink customer te in a hun man a Centrelink payments pana kipia thei dingin bawl thei uh hi. SmoothPay tungtawn in hi sum piakna te kigawm in na pia thei a, tua in sum kep dan baihsam sak mah mah hi.

Centrepay bawl dingin, Centrelink  na hopih kul ding a, tua banah na Yarra Valley Water customer reference number zong na piak kisam ding hi: 555 054 118T.

• Na’ tuisaáp vaái panpih na-kisam hiam?
  Chin Zomi (Tedim) - Managing Payments
• A poimawh hun-a hong huhding hiah om ung
  Chin Zomi (Tedim) - About WaterCare
• Innkuan hiamgamhna athuakte’ a ding panpihna
  Chin Zomi (Tedim) - Family Violence Support
• Utility Relief Grant tungtawn in na tui zat man khiam in
  Chin Zomi (Tedim) - Utility Relief Grant
• Na inn leh lo ah tui keh a om leh omloh etna
  Chin Zomi (Tedim) - How to test for a leak
• Tuisum khiap nading lampite
  Chin Zomi (Tedim) - How to reduce costs